【楊樂文vs Lokman】
最初認識Lokman係喺《狂舞派》
之後佢參加全民...

【楊樂文vs Lokman】
最初認識Lokman係喺《狂舞派》
之後佢參加全民造星 加入Mirror 成為隊長
從此以後 一講Lokman 就只會諗起Mirror
今年睇《狂舞派3》
我都有同樣感受 覺得螢幕入面嗰個
明明係Lokman 但又唔似Mirror嗰個Lokman
覺得戲入面個阿Dave 真係第一集個阿Dave
而呢套戲入面冇Mirror嘅人拍
我見到嗰個係楊樂文 唔係隊長Lokman

我自己都比較喜歡《狂舞派》入面嘅楊樂文多啲
可能角色設定關係
覺得戲入面嘅佢有一種火、活力、衝勁 同埋光芒
而係Mirror入面太多人 好難發現到佢
而且感覺佢喺Mirror入面嘅時間係收埋咗呢份光芒
希望佢可以將《狂舞派》嘅楊樂文融合入Mirror隊長入面
睇新歌《BOSS》mv
Lokman終於都有返啲隊長光環 好有型！

除咗《狂舞派》之外
點樣認識最真實嘅Lokman??
都係喺AK youtube channel入面
望落去佢比較成熟穩重
但原來佢係會發脾氣 同單打人(當然因為Friend先會咁)
我好鍾意睇『友情撳鐘仔』
Terry屈機逐個數估 4隻5隻 6隻 7隻
好好笑！！！！！
(p.s.我會喺講Alton嘅時候又會再提AK)

Alton係Lokman演戲後講嘅comment
正正就係我心目中都咁諗嘅嘢
因為成日係AK youtube channel見到佢真面目講嘢係點
當睇佢同鍾雪對戲嗰陣 就係同平時嘅佢一樣
覺得佢好自然 自然到唔覺得有劇本咁
我估佢係有改咗 改得好自然
而佢啲好微小嘅表情
例如叫鍾雪挨落嚟嗰陣…佢不自覺露出沾沾嘅表情
令觀眾覺得唔造作 又get到主角心中嗰種感覺
我唔知你明唔明我講咩
你話佢冇演 只係用返日常嘅自己做戲 又唔係
你話佢好演 又唔係
總之佢做到 『做自己』同『演戲』嘅中間點
希望有更多人欣賞佢 有多啲拍戲嘅機會

#楊樂文 #Lokman
-------------------------------------------
#調教你Mirror
#Mirror #梁祖堯 #花姐 #ViuTV

---